SEJARAH SIWAH SADA GINTING

 

SIWAH SADA GINTING (SSG)

 

Ilustrasi Bentuk Menyerupai Telur

Ilustrasi Beru Ginting Jadi Pola

Sekilas Tentang Sejarah Siwah Sada Ginting ( SSG) ras Kuta Sipantekina

Kira-kira abad ke-15,kurang lebish 1500 Masehi, melahirkan sekalak perempuan, silahir kerina bagi iyup-iyup entahpe bage balon, menyerupai bentuk telur. Sengget kel ras panik nandina ras bapana ngidah kejadian e.

Emaka idarami me guru simeteh wari telu puluh, engkai maka bagenda siterjadi ibas pernanden enda. Jumpa me ras guru Pak-Pak, Pitu Sendalanen, emaka I pepayona me balon endai

Kenca I pepayo Guru Pak-Pak endai mintes suruhna buat sada guci endai, emaka tama kenna balon endai ku bas guci endai.

Ertabas me Guru Pak-Pak endai, maka pecah me balon endai jadi jelma, 9 (siwah) dilaki, ras sada diberu. Nina guru Pak-Pak endai, ula kam embiar anakendu enda, sakti kap, lit pagi bedana ras kalak sienterem nina.

Emaka bagi NAPER tempa pertubuhna, nina guru Pak-Pak endai, lalit sientua, sintengah, singuda, erkiteken radu NAPER ia.

Ibahan me gelar si siwah sidilaki ras sada diberu, emkap :

1.       Sugihen

2.       Suka

3.       Babo

4.       Ajartambun

5.       Guru Patih

6.       Jadibata

7.       Garamata

8.       Beras

9.       Capah

 

Endam gelar sidilaki kerina

Janah gelar sideberu endai emaka si Bem-Bem. Emaka mekatep I gelari Ginting Sinaper siwah dilaki, ras sada diberu, (Siwah Sada Ginting- SSG). 

 

Ibas sada wari, mentas perlanja Sira, idahna anak si sepuluh enda ras nande-bapana.  Sengget perlanja Sira enda nina, uga nge bibi, she kuidah ena galangna, uga nge maka banci bage nina.  Anakku enda NAPER bapa, emaka seri galangna nina.  Andiko ari, megah nari nge akapendu, simada tinuang singaturkesa bapa, nina nandina.

Janah pindah me kalak enda ku  Juhar, jenari ku  Kutagerat, Gurubenua, terus ku Suka.  Jadi lintasen perdalanenna Barat ku Timur ras sebalikna.  Kenca kalak enda banci madiri masing-masing, emaka kalak enda muat kuta ingan tading, antara lain :

 

1.       Sugihen, ipantekina                 :Juhar, Sugihen, Kuta Gugung, dll

2.       Suka, ipantekina                       : Suka, Berastepu, ….. dll

3.       Babo, ipantekina                      : Kuta Great, Gurubenua, Munte

4.       Ajartambun, ipantekina         : Rajamerahe (Gundari Sukarame. Kec.Munte)

5.       Gurupatih, ipantekina            : Sarimunhte, Buluhnaman

6.       Jadibata, ipantekina                : Juhar

7.       Garamata, ipantekina             : Tongging

8.       Beras, ipantekina                      : Tongging

9.       Capah, Masap (lanai jelas)

Cataten :

1. Sugihen : Kesusuren sini Juhar, eme si ku Sigenderang, Bekilang, Batumamak.

Emaka Ginting Sugihen lajim ikataken  Sipitu Kuta, emekap : Sugihen, Juhar Rumah Tanduk, Kuta Gugung, Sukababo, Sigenderang, Bekilang, ras Batumamak

2. Ginting Sugihen sini Sukababo, seri ras si Sugihen, kempu Tambak Beringen nge si ku Sukababo

3. Sitergelar Sugihen ndai, mate I Juhar, janah kuburken pe I Juhar (Lokasi kuburen gundari pe I gelari Pendonen Sugihen), sebelah timur Kuta Juhar

 

Endam sejarah singkat Siwah Sada Ginting (SSG)

 

 

Sugihen, 20 Januari 2023

Penulis,

 

KASIM GINTING SUGIHEN, BA

Baca Juga POESTAKA GINTING - SEJARAH SIWAH SADA GINTING